Die Slanghalsvoël Hut is die ideale plek om uit te rus en te ontspan. Dit bied:
- ‘n Dubbelbed met ‘n Cool Gel Memory Foam-matras
- ‘n Temperatuurregulerende veerduvet
- Skoon beddegoed, ekstra komberse en handdoeke
- Privaat badkamer
- Kombuis met gasstoof en kombuisgereedskap
- Yskas
- Bedekte stoep met tafel en stoele
- Piekniekkombers
- Braai-area (1 sak houtskool per dag ingesluit)
- Sonkrag vir ligte en kragpunte vir die laai van toestelle (geen haardroërs of krultange asseblief)
Wilger Rus Rivierkamp is aan die oewer van die Oranje Rivier geleë, slegs 10 minute se ry van die vulstasie, winkels en restaurante in Orania. Geniet die rustigheid van die natuur, hou piekniek onder die bome, gaan visvang en herlaai jou gees, terwyl jy weet al die geriewe is binne maklike bereik.
Die kamp bestaan uit twee self-sorg hutte, elk met ‘n eie badkamer en ‘n ekstra buitebadkamer met stort, asook ‘n klein buitekombuisie. Die hutte is knus tussen die bome geleë, met ‘n groot grasperk en privaat toegang tot die rivier. Sonkrag voorsien lig en laaipunte, terwyl die stoof en waterverwarmer met gas werk. Parkeerplek is beskikbaar vir twee voertuie, met ekstra ruimte vir ‘n sleepwa of karavaan.
Ons prioritiseer ons gaste se privaatheid en gerief. Indien net een hut bespreek word, word die ander een outomaties gesluit vir jou privaatheid.
Maksimum van 2 persone per hut • Geen kinders onder 16 jaar • Geen troeteldiere toegelaat nie
Wilger Rus Orania Rivierkamp bied glamping-akkommodasie met permanente tente en is nie geskik vir tente of karavaan-kampe nie.
